Sankti-Ice
 

Sagan

Ræktunin okkar er lítil en við erum búin að vera með St.bernards hunda á heimilinu síðan árið 1997.
Við búum í Mosfellsbænum með hundana okkar, sem eru hluti af fjölskyldunni og hrærast með okkur allan daginn.
Okkar fyrsti St.bernards hundur hét ISCH Kubbur og var hann undan innfluttum hundum frá Noregi . Kubbur var með góðar línur á bak við sig og erum við óskaplega heppinn að hafa getað byrjað ræktunina okkar með honum, en foreldrar hans voru bæði frá Britt Marit Halvorsen, Bernegarden´s kennel í Noregi.

Við komumst svo í samband við Britt Antillu, í kennel Ademiva sem lét okkur hafa Ademiva Ikaria Melita árið 1999 og kom hún til landsins árið 2000. Melita var nákvæmlega það sem við vorum að leita að, góð og falleg. Henni Britt Antillu eigum við miklar þakkir til, enda búin að vera ómæld aðstoðin frá henni í gegnum árin.

Fyrsta gotið okkar leit dagsins ljós þann 1. maí 2002, en úr því goti héldum við eftir tveimur hundum, rakka og tík, ISCH Sankti-Ice Anakin Cujo og INT UCH ISCH Sankti-Ice Anna Karenina. Við, Cujo og Karenina erum búin að skemmta okkur vel saman í sýningarhringnum á síðustu árum og mun það ævintýri renna mér seint úr minni. Cujo okkar er sigursælasti St.bernards sem hefur nokkur tímann verið uppi á Íslandi . Við getum ekki annað en verið afskaplega stolt.

Ári síðar bættist svo í Sankti-Ice fjölskylduna, en þá leit dagsins ljós okkar annað got. Í því goti héldum við eftir INTCH ISCH Sankti-Ice Benitu.
Við erum mjög stolt af öllum okkar hvolpum og eigendum þeirra, við erum mjög heppin.
Árið 2002 fengum við ISCH Dein Hards Wellington frá Dein Hards kennel í Svíþjóð, var hann sérstaklega valinn gagngert fyrir okkar hunda og línur. Því miður náðum við aldrei að rækta undan Wellington, en hann lést skyndilega árið 2006 og var það mikill missir fyrir okkur, sem og stofninn. Þökkum Karin Brevik fyrir allan stuðninginn og alla hjálpina og Britt Antilla fyrir að finna Wellington með okkur á sínum tíma.

Árið 2004 kom ISCH NUCH NW-02 Numebansens Good Golly Miss Molly til lansdins , hún er fyrsti snögghærði hundurinn sem stígur fæti á land í langan tíma, en fyrir hefur ein tík komið en það var einmitt mamma hans Kubbs míns.

Árið 2006 eignuðumst við INTCH ISCH ISW-08 Bernegardens Price Of thieves ( Kevin ) og INTCH ISCH Fairhope Van´t Hof ter Quinni ( Hófí ) , en þau koma frá sama ræktanda Britt Marit Halvorsen, sem bæði eru í Noregi og Belgiu með sína ræktun. Britt Marit er afskaplega virtur ræktandi og eru það forréttindi að geta verið í sambandi við hana. Hófí fengum þegar við misstum Elegance Van‘t Hof Ter Quinni . Elegance kom til okkar snemma árs 2006 og yfirgaf okkur ung að aldri sama ár. Elegance var eitthvað meira en bara hvolpur fyrir mér.


Kevin og Hófí eru með mjög eftirsóttar blóðlínur og mætti segja að við “óðum eld og brennistein“ til að fá þau í okkar hendur.
Þegar farið var út að skoða Kevin og Hófí í lok árs 2006, þá fékk ég í fangið þennan rosalega fallega og fagnandi hund, ISW-07 ISCH NUCH SUCH Tinarnera Atlas. Það var ekki aftur snúið, farið var í það að leggjast í línur og heilbrigði og loks þegar samningar náðust og Atlas var orðinn okkar kom hann heim með Kevin og Hófí til Íslands í lok sama árs. Atlas var mjög mikilvægur hundur fyrir okkar stofn, hann hefur ekki bara gefið meistara hvolpa og afabörn heldur líka heilbrigða og fallega hunda. Atlas gaf okkur það sem við vildum og þurftum , Atlas var frábær hundur .

Sama ár og Atlas, Kevin og Hófí komu úr einangrun var Atlas í lok árs 2007 heiðraður Stigahæsti hundur ársins 2007 ( allar tegundir )

Sá merki atburður endurtók sig aftur árinu síðar þegar Kevin, sem þá var sýndur í fyrsta skipti í opnum flokk hreppti líka titillinn Sigursælasti hundur ársins 2008 ( allar tegundir ) Það er engin hundur eins og Kevin. Hann hefur ótrúlega góða skapgerð og þegar fólk hefur séð hann einu sinni í hringnum þá gleymir það honum aldrei !

Þarna má svo sannarlega segja að St.bernhards hundurinn hafi brotið sögulegt blað. Við höfðum valið réttu leiðina og fengið réttu hundana á rétta tímanum.

Á því skemmtilega ári 2008 þegar bankar og annað hrundi á Íslandi kom ISCH Bernegarden´s Xalinka ( Paris) í okkar hendur. Gjaldeyrishöft og aðrar hindranir gerðu það að verkum að oft munaði ekki miklu að hætt yrði við að ná í Paris. Allt hófst þetta á endanum og er hún allra hindrana virði. Paris er undan frábærum amerískum meistara og verður gaman að sjá hvað hennar línur munu gera fyrir ræktunina okkar.

ISCH Sankti-Ice Dancing Star Elita ( Nóra ) er eina fædda dóttir ISW-07 ISCH NUCH SUCH Tinarnera Atlasar og INTCH ISCH Sankti-Ice Benitu. Nóra er þriðja kynslóð Sankti-Ice og horfi ég stolt á þessa tík sem ræktandi hennar, mömmu hennar og ömmu og afa uppalandi ! Strax í upphafi var ákveðið að hún mundi búa áfram í foreldra húsum og taka þátt í ævintýrinu með okkur.

Sankti-Ice Forever Perfect ( Orlando) fæddist árið 2009 og kemur úr 9 hvolpa goti , sem saman stendur af fallegum og yndislegum hundum. Hann er sonur INTCH ISCH ISW-08 Bernegardens Price Of thieves ( Kevin ) og INTCH ISCH Fairhope Van´t Hof ter Quinni ( Hófí ). Orlando er má segja mín uppskera af skemmtilegu ferðunum mínum út til Noregs , kynni við fullt af fróðlegu fólki og ávöxturinn minn þegar ég keypti pabba hans Kevins og mömmu hans Hófí. Gaman verður að fylgast með Orlando dafna í framtíðinni !

Í gegnum tíðina höfum við fengið ómælda hjálp frá góðu fólki, ræktanda , fjölskyldu og vinum. Enn og aftur fengum við nákvæmlega það sem við vildum. Góða , Heilbrigða og fallega hunda.

Hundarnir eru okkar áhugamál og lífstíll og fer allur okkar frítími að hugsa um þá og er sá tími okkur mikið gleðiefni.

St.bernards er búinn að fylgja mér síðan ég var ung að aldri og mætti mest halda að áhuginn fyrir þeim væri meðfæddur.

Í framtíðinni er draumur okkar að rækta áfram heilbrigða og góða hunda, og að sjálfsögðu fyrst og fremst frábæra félaga og fjölskylduhunda.